Православный пост. Рецепты постных блюд - стр. 16
Молитва перед завтраком
Боже, очисти мя грешнаго. (Поклон.)
Создавый мя, Господи, помилуй мя. (Поклон.)
Без числа согреших, Господи, помилуй и прости мя, грешнаго. (Поклон.)
Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.
Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно и во веки веков.
Аминь.
Молитва после завтрака
Благодарим Тя, Христе Боже наш, яко насытил еси нас земных Твоих благ, не лиши нас и Небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам, и спаси нас.
Молитвами святых отец наших, Господи Иисусе Христе Боже наш, помилуй нас.
Боже, очисти мя грешнаго. (Поклон.)
Создавый мя, Господи, помилуй мя. (Поклон.)
Без числа согреших, Господи, помилуй и прости мя грешнаго. (Поклон.) Аминь.
Молитва перед обедом
Три кратких покаянных молитвы с поклонами. Затем:
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Молитвами святых отец наших, Господи Иисусе Христе, Сыне Божий, благослови ястие и питие рабом Твоим, яко Свят ecu, всегда, ныне и присно и во веки веков. Аминь.
Молитва после обеда
Молитвами святых отец наших, Господи Иисусе Христе Боже наш, помилуй нас. Аминь.
Благословен Бог, милуяй и питаяй нас от юности нашея, даяй пищу всякой плоти, исполни радости и веселия сердца наша, да всегда всякое довольство имуще, преизобилуем во всякое дело благое, во Христе Иисусе Господе нашем: с Нимже Тебе слава подобает, держава, честь и поклонение, со Святым Духом вовеки. Аминь.
Молитва перед ужином
Ядят убозии, и насытятся, и восхвалят Господа взыскающии Его, жива будут сердца их в век века.
Слава, и ныне. Господи помилуй. (Трижды.) Благослови.
Молитва после ужина
Бысть чрево Твое Святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.
Честнейшую херувим, и славнейшую без сравнения серафим, без истления Бога Слова рождшую, сущую Богородицу Тя величаем.
Возвеселил ны еси, Господи, в творениих Твоих, и в делех руку Твоею возрадуемся. Знаменася на нас свет лица Твоего, Господи, дал еси веселие в сердце моем, от плода пшеницы, вина и елея своего умножишася. В мире вкупе усну, и почию, яко Ты, Господи, единаго на уповании вселил мя еси.