Святые Киево-Печерские - стр. 2

Древо Киево-Печерских святых

Святые Киево-Печерские отцы подвизались и отошли в вечные обители, а нетленные мощи их, исполненные благодатью, поныне покоятся в пещерах, одни из которых называются Ближними, или Антониевыми, а другие – Дальними, или Феодосиевыми. Соответственно этому существует также два других дня соборного почитания Киево-Печерских святых – Собор преподобных Киево-Печерских, в Ближних пещерах почивающих, и Собор преподобных Киево-Печерских, в Дальних пещерах почивающих.

Егда снидосте во гробы и самех себе заключисте, тогда, страсти умертвивше плотския, спогребостеся Христу, богоноснии, и диавольския в подземных разрушисте ограды, сего ради Ангели венцы с небес вам подают.

Отцы всечестнии, личе богокрасный, чудес многих источницы, миро источающии, сокровища краснобогатная Господня, в земли сокровенная, не престайте, молим вы, о нас молитися ко Господу, да зовем вам: радуйтеся, всему миру светильницы.

Преподобнии и богоноснии отцы наши Антоние и Феодосие и вси преподобнии Печерстии, светила земная пресветлая, от темных мест пещерных в земли Русской славно просиявшии, и сию многими светозарными ангелонравнаго вашего жития звездами онебесившии, всю же вселенную высоких добродетелей светлостьми и чудес Божественных блистаньми удививши. И ныне, смертным западом плотски на время во гроб зашедше, душами со Христом, Солнцем правды, суще праведницы просвещаетеся яко солнце во Царствии Небеснем. Идеже молитвенная ваша к Богу Свету лучи о отечестве своем простирающе, не забудите и нас, всегдашния своя молитвенники, в нощи страстей и скорбей пребывающия, свыше благодатными призирати осиянии. Яко да во свете добродетельнаго вашего жития право ходяще, сподобимся зрети свет неприкосновенныя славы Божия, хваляще Его купно с вами в нескончаемыя веки. Аминь.