Песнопения для паломников, путешествующих по святым местам Палестины и Синая - стр. 20
Тропарь первомученику Стефану, глас 4
Подвигом добрым подвизался еси, / первомучениче Христов и апостоле, / и мучителей обличил еси нечестие. / Камением бо побиен от рук беззаконных, / венец от яже свыше десницы приял еси / и к Богу взывал еси, вопия: //Господи, не постави им греха сего.
Ин Тропарь, глас 3
Апостолом совсельник / и страстотерпцем первострадалец, / Христов служитель, прехвальне Стефане, / первее бо совершив мучения течение, / безчисленныя роды человек равно Подвигоположнику Христу приведе. / Темже яко апостола и страдальца верховнаго / чтуще тя, молим: / моли Христа Бога / даровати нам велию милость.
Кондак, глас 3
Владыка вчера нам плотию прихождаше, / и раб днесь от плоти исхождаше. / Вчера Царствуяй плотию родися, / днесь раб камением побивается. / Того ради и скончавается // первомученик и божественный Стефан.
Ин Кондак, глас 3
Первый сеялся еси на земли небесным Делателем, / всехвальне Стефане, / первый на земли кровь за Христа излиял еси, блаженне, / первый от Него победы венцем увязлся еси на небесех, / страдальцев начало, / венечниче мучеников, первострадальне.
Величание
Величаем тя, / первомучениче архидиаконе Стефане, / и чтим честная страдания твоя, //яже за Христа претерпел еси.
Ближайшие окрестности Иерусалима евангельских времен вошли в черту современного города. При выходе из Старого города Овечьими воротами паломник попадает на Иерихонскую дорогу. Справа от нее находится греческий храм первомученика архидиакона Стефана. Храм был воздвигнут над местом убиения святого. Сохранилось несколько широких ступеней, где совершилось побиение камнями первомученика.
Гефсимания
Наименование «Гефсимания» означает масличное точило (пресс) или масличный сад. Это священнейшее для христиан место находится у подножия западного склона Елеонской горы, в долине Кедрон, на востоке от Старого города.
Гробница Божией Матери
Тропарь Успению Божией Матери, глас 1
В рождестве девство сохранила еси, / во успении мира не оставила еси, Богородице, / преставилася еси к животу, / Мати сущи Живота, // и молитвами Твоими избавляеши от смерти души наша.
Кондак, глас 2
В молитвах неусыпающую Богородицу / и в предстательствах непреложное упование / гроб и умерщвление не удержаста, / якоже бо Живота Матерь, / к животу престави / во утробу Вселивыйся приснодевственную.
Величание
Величаем Тя, / Пренепорочная Мати Христа Бога нашего, / и всеславное славим //Успение Твое.
Светилен
Апостоли, от конец совокупльшеся зде, / в Гефсиманийстей веси погребите Тело Мое, / и Ты, Сыне и Боже Мой, //приими Дух Мой.